Compè Lapin pa té ni ayen pou i mangé. Aussi cé toute bête i té ka pren pou vive. Zôtes ka bien compren-ne i coummencé pa mangé les pli piti é kom pa té ni encô, cé lé gros ki té rété : Baleine épi l'Éphant. Mais pou i té rivé pren yo, foc i té fè an bon cacul. Alô i métté cô ï ka réfléchi pou i té trouvé qui man-niè i té ké fè.
An jou i monté la montagne join-ne l'Éphant é i ka dit ï con ça :
- Baleine dit i pli fô kii ou, l'Éphant.
Apré ça i descen-ne bod lan mè i ka dit ba Baleine :
- Baleine mon chè, l'Éphant ka dit tou pâtou i fô passé ou.
Baleine dit: « cé ça nou kaille ouè ».
i loué an chaîne bâtiment, i marré ï an rein ï; é i ba Lapin l'aut' boute chaîne la, pôté monté ba l'Éphant.
L Éphant pren boute chaîne la, i marré dans rein ï; Lapin baille le signal et l Éphant coummencé raidi. Baleine main-me ka raidi, l'Éphant ka raidi, mais en l'hè; cé l'Éphant qui fè Baleine monté jusse en bois. Et comme cé dans d'leau i ka vive, i mô frètte à té a. Lapin couri monté join-ne l'Éphant épi i dit ï :
- Baleine dit quitté ça tombé, an l'aut' jou zôtes kaille fè tirage la.
l détaché chaine la dans rein l'Éphant, é i serré ï dans an côté. Apré ça i mangé Baleine an paquet temps. L hè i fini mangé Baleine, i allé oti général Thon é i dit ï con ça :
- Général Thon, l'Éphant dit i fô passé ou.
Thon répon-ne Lapin :
- Pa ni ayen ki fô passé moin. Lapin ri, épi i pâlé baille con ça :
- Pisse ou dit ayen pa fô passé ou, l'Éphant dit ou i ka voyé en chaine ba ou pou ou marré an rein ou, i ka marré l'aut' boutte la en ta ï. Zôtes kaille raidi tou lé dé, pou ouè gui less qui pli fô.
Lapin ba yo le départ, l'Éphant ka raidi Thon ka raidi. Thon chappé quitté lan mè. L'Éphant ka raidi i monté jusse dans savanne la. Thon cé dans d'leau i ka vive, rivé la, i mô à té a. Lapin couri dit l'Éphant :
- Général Thon dit ou lessé ça pou apré. Zôtes kaille ripren ça an l'aut' jou.
l démarré l'Éphant, i pren chaine la i allé serré ï can côté, é i mangé Thon plein boudin ï, pendant an asse di temps. Quand i fini mangé Thon a, i viré monté ouè l'Éphant é i dit ï con ça :
- Compè ou save hen. Baleine toujou ka dit i fô passé ou. Esse ça vré ?
L'Éphant répon-ne :
- An nou descen-ne bod lan mè pou moin ouè Baleine.
L'hè i rivé, i pa ouè Baleine i ka mandé Lapin :
- Mais oti là Baleine yé.
Lapin ka dit ï i pa ouè piesse la i passé.
Sadine rété dans lan mè a, épi i ka dit ba l'Éphant con ça :
- Ou pa ouè cé sotte ou trop sotte.
Lapin ja mangé Baleine, i ja mangé Thon, accouèlement i ka chèché qui lesse i pé tchué encô pou soin boudin ï.
L'Éphant gâdé Lapin, i bondit assou i pou i té crasé ï. Mais Lapin té ni temps sauté, i quimbé jam-me dèié ï, épi pen-ne adan. L'Éphant soucoué jam-me telement fô que Lapin volé en lè, i plané con an cè-volant é i aille tombé jusse Sainte Lucie. Cé dé pi ça pa ni Lapin ici encô, ka couri dan zèbe con mangousse.